भैरहवा । जिल्ला प्रहरी कार्यालय रुपन्देहीले भारतबाट अवैध रूपमा ल्याइएको भन्सार छलीको सामान बरामद गरेको छ । प्रहरी टोलीले सियारी गाउँपालिका–२ स्थित कटुवाबाट भन्सार छली गरी ल्याउँदै गरेको ८ लाख १० हजार ७ सय ६० रुपैया बराबरको अवैध सामान विहीबार बरामद गरेको जिल्ला प्रहरी कार्यालय रुपन्देहीका सुचना अधिकारी सुरज कार्कीले बताए ।
बरामद सामानमा ४००० पिस मोवाइलका ग्लास, ७०४ पिस मोवाइलका कभर, १९६० पिस ऐर फोन, १५८८ पिस चार्जर केवल र विभिन्न किसिमका कस्मेटिक सामानहरु रहेको छ । बरामद सामान आवश्यक कारबाहीका लागि भैरहवा भन्सार कार्यालय पठाइएको उनले बताए ।
