अर्घाखाँची । अर्घाखाँचीको सन्धिखर्क नगरपालिका वडा नं. ९, फेरबाङ शान्तिटोलाका ५३ वर्षीय रेम बहादुर क्षेत्री बागी खोलाको किनारमा मृत अवस्थामा फेला परेका छन्। घरबाट गोठ बनाउन काठ लिन जान्छु भनि हिँडेका क्षेत्री अबेरसम्म घर नफर्केपछि परिवारले खोजी सुरु गरेको थियो ।
खोज्दै जाँदा उनलाई सन्धिखर्क नगरपालिका वडा नं. ९, बागी खोलाको साइटमा मृत अवस्थामा फेला पारिएको जिल्ला प्रहरी कार्यालय अर्घाखाँचीका प्रहरी निरीक्षक झलक प्रसाद शर्माले जानकारी दिएका छन् । घटनाबारे थप अनुसन्धान भइरहेको प्रहरीले जनाएको छ ।
