काठमाडौं । प्रख्यात भारतीय गायक र प्रत्यक्ष कलाकार जुबिन नौटियालले नेपालमा एक च्यारिटी कन्सर्ट गर्ने भएका छन् । काठमाडौंमा पत्रकार सम्मेलनको आयोजना गर्दै एन. अटिजम केयर फाउन्डेसले १४ डिसेम्बर २०२४ मा च्यारिटी कन्सर्ट गर्न लागेको जानकारी दिएको हो । भारतीय संगीत उद्योगमा नौटियाल आफ्नो मधुर आवाज र धेरै हिट गीतहरूका लागि जानिन्छन् ।
यस कार्यक्रमबाट प्राप्त सबै आम्दानी एन.अटिजम केयर फाउन्डेसनको सहयोगको लागि जानेछ । यो संस्था जुबिन नौटियालसँगको साझेदारीमा नेपालमा सञ्चालित छ ।
एन.अटिजम केयर फाउन्डेसनले आफ्नो स्थापनाको घोषणा पनि गरेको छ । पहिचान, हेरचाह, र व्यक्तिहरूको शिक्षामा समर्पित गैर–नाफा संस्था नेपाली समाजका प्रतिष्ठित व्यक्तित्वहरुद्वारा स्थापित, फाउन्डेसनले अटिजम भएका बालबालिका र उनीहरूको परिवारलाई व्यापक सहयोग प्रदान गर्ने लक्ष्य राखेको छ । एन. अटिजम केयर फाउन्डेसनको मिशन भनेको व्यक्तिहरूको समावेशी समाज सिर्जना गर्नु हो ।
