मर्चवार । रुपन्देहीको मर्चवार क्षेत्रमा एकजना मोटरसाइकल मर्मत गर्ने व्यवसायीले आफ्नै शरीरमा पेट्रोल छर्केर आत्महत्याको प्रयास गरेका छन् । कोटहीमाई गाउँपालिका–७ स्थित हर्दीचोकमा पसल सञ्चालन गर्दै आएका कोटहीमाई–६ हर्दीका देवीदिन मुरावले बीचसडकमै आफ्नो शरीरमा पेट्रोल छर्केको ईलाका प्रहरी कार्यालय (ईप्रका) मझगावाँले जनाएको छ ।
प्रहरी प्रहरी निरीक्षक हिमानाथ घिमिरेले दिएको जानकारी अनुसार देवीदीन मुराव र कोटहीमाई–४ बरहदवा बस्ने २२ वर्षिय मदन सहानी र उनकै भाइ २० वर्षिय सदन सहानीसँग विवादपछि उक्त घटना भएको हो ।
देवीदीनले करीब ४ दिन अगाडी मदन सहानीको मोटरसाइकल मर्मत गरेको र सोही मर्मत गरेको रकम माग्दा विवाद उत्पनन भएको प्रहरी निरीक्षक घिमिरेले बताए । घटना शंकास्पद रहेकोले मदन सहानीलाई हिरासतमा राखेर घटनाबारे थप अनुसन्धान भइरहेको प्रहरी निरीक्षक घिमिरेले जानकारी दिए ।
