भैरहवा । रुपन्देहीको ओमसतिया गाउँपालिकामा महिला हिंसाविरुद्ध जनचेतनामूलक सडक नाटक–२०८० सुरु भएको छ । ओमसतिया गाउँपालिका र हातेमालो विकास तथा सञ्चार केन्द्रको आयोजनामा बुधबारदेखि सडक नाटक सुरु भएको हो ।
ओमसतिया–३ नम्बर वडा कार्यालयबाट सुरु भएको कार्यक्रमको गाउँपालिका उपाध्यक्ष सुनिता चौधरीले उद्घाटन गरेकी हुन् । सो अवसरमा बोल्दै उपाध्यक्ष चौधरीले महिला हिंसा न्यूनीकरण गर्न जनचेतनामूलक सडक नाटकले पनि सहयोग पुर्याउने विश्वास व्यक्त गरिन् । महिला हिंसा हुन नदिन सबैले आ–आफ्नो क्षेत्रबाट भूमिका निर्वाह गर्नुपर्ने उनको भनाइ छ ।
ओमसतिया–३ का वडाअध्यक्ष प्रकाश सिंह चौधरीको अध्यक्षतामा भएको कार्यक्रममा वडा सदस्य गुन्जा चौधरी , गिता पासी लगायतको आतिथ्यता रहेको थियो ।
