भैरहवा । प्रधानमन्त्री कप पुरुष राष्ट्रिय क्रिकेट प्रतियोगिताको उपाधि लगातार दोश्रो पटक नेपाल पुलिस क्लबले जितेको छ । शनिबार भैरहवामा भएको फाईनल खेलमा पुलिसले त्रिभुवन आर्मी क्लबलाई ६ विकेटले हराउदै उपाधि जितेको हो । यस संगै पुलिसले नगद १० लाख लाख सहित आकर्षक ट्राफि हात पारेको छ ।
उपविजेतामा सिमित त्रिभुवन आर्मी क्लबले भने नगद ५ लाख सहित रनरअप ट्राफि पाएको नेपाल क्रिकेट संघको अध्यक्ष चतुर बहादुर चन्दले जानकारी दिए ।
यस बाहेक अन्य थुप्रैले पनि विभिन्न पुरस्कारहरु जितेका छन् । प्रत्येक खेलमा म्यान अफ द म्याच घोषित हुनेले नगद ५ हजार रुपैया पाएको थियो भने प्रतियोगिताको उत्कृष्ट ब्याट्सम्यान गण्डकी प्रदेशका अर्जुन कुमाल घोषित भए । उनले ९ खेलमा ३७४ रन बनाए । सो क्रममा उहाँले एक शतक सहित ४२ वटा चौका र २ वटा छक्का प्रहार गरेका थिए । उत्कृष्ट ब्याट्सम्यानको रुपमा उनले बजाजको एनएस २०० मोडेलको मोटरसाइकल र मेडल प्राप्त गरे ।
नेपाल पुलिस क्लबका बलर ललित नारायण राजबंशीले बजाजको दुई वटा एनएस २०० मोडेलको मोटरसाइकल प्राप्त गरेका छन् । उत्कृष्ट बलर र प्रतियोगिताको उत्कृष्ट खेलाडीको रुपमा घोषित राजबंशीलाई दुई वटा मोटरसाईकल प्रदान गरिएको चन्दले जानकारी दिए । राजबंशीले फाईनल सहित गरि १० खेलमो ४१ विकेट लिएका थिए ।
यस्तै उदियमान खेलाडीको रुपमा नेपाल आर्मीका तिर्थराज दास घोषित हुनुभयो । उहाले ५० हजार नगद सहित क्रिकेट कीट प्राप्त गरे ।
