वीरगञ्ज । २५ औँ सशस्त्र प्रहरी दिवसको अवसरमा सशस्त्र प्रहरी बल नेपाल नं १३ गण हेडक्वार्टर पर्साले वीरगञ्जमा विभिन्न परोपकारी कार्यहरू सम्पन्न गरेको छ । यसै उपलक्ष्यमा सशस्त्र प्रहरीले वीरगञ्ज कारागारमा रहेका ६२ जना महिला कैदीबन्दीहरूलाई जाडोका लागि सल र उनीहरूका साथमा रहेका पाँचजना बालबालिकालाई न्यानो कपडा वितरण गरेको हो ।
सशस्त्र प्रहरी उपरीक्षक पुरनचन्द्र भट्टका अनुसार दिवसकै अवसर पारेर वीरगञ्ज–१ छपकैयास्थित बविता पराजुली आधारभूत विद्यालयमा एक दिने आँखा शिविर समेत आयोजना गरिएको थियो, जसमा ७८ जना स्थानीय बासिन्दाहरूले स्वास्थ्य सेवा प्राप्त गरेका छन्।
