भैरहवा । रुपन्देहीको मर्चवारी गाउपालिका वडा नम्बर १ इस्लामपुरमा एक बालिकाको हत्या गरि फालिएको अवस्थामा शव भेटिएको छ । शव हिजो देखि हराइरहेकी सोहि वडाकी ७ बर्षिय नन्दनी कुर्मीको रहेको जिल्ला प्रहरी कार्यालय रुपन्देहीले जनाएको छ ।
जिल्ला प्रहरी कार्यालय रुपन्देहीका प्रवक्ता डिएसपी मनोहर भट्टका अनुसार कुर्मीको हत्या भएको प्रारम्भिक अनुसन्धानबाट देखिएको छ । उनले यसमा संलग्न रहेको आशंकामा एक जनालाइ नियन्त्रणमा लिएको बताए । उनको पहिचान अहिले गोप्य राखिएको छ । यस बिषयमा थप अनुसन्धान भै रहेको डिएसपी भट्टले बताए ।
