भैरहवा । नेपाल रेडक्रस सोसाइटी रोहिणी शाखा धकधईले गाउँमै पुगेर आगलागी प्रभावित परिवारलाई राहत सामाग्री उपलब्ध गराएको छ ।रोहिणी शाखाका उपसभापति पूर्णिमा रौनियारको नेतृत्वमा गएको टोलीले रोहिणी गाउँपालिकाको वडा नं. ४,५ र ६ का आगलागी पीडितलाई राहत सामग्री त्रिपाल, कम्मल उपलब्ध गराएको हो ।
बैशाख ८ गते शनिबार रोहिणीमा आगलागीबाट प्रभावित भएका ४५ जनाको परिवारमा सो समाग्री वितरण गरिएको हो । आगलागीबाट घरगोठ, नगद, गरगहना, लत्ताकपडा, बाख्रा लगायतका सरसामान तथा वस्तुभाउ जलेर नष्ट भएका थिए ।
राहत वितरणमा उपशाखा कोषाध्यक्ष गनपत प्रसाद गुप्ता ,सचिव दूधनाथ कवंर ,उपकोषाध्यक्ष सम सुलहक खां, सदस्य आर मोहम्मद खाँ, मोहम्मदरजा पठान, सन्तोषमणि त्रिपाठी, प्रमिला नाऊ,सामाजसेवी दिलिपमणि त्रिपाठी,रोहिणी –६ का वडाअध्यक्ष ईन्द्रमान चौधरी लगयातको उपस्थिती रहेको थियो ।
