अर्घाखाँची । नेपाल पुस्तक तथा स्टेशनरी व्यवसायी संघ अर्घाखाँचीको आठौं जिल्ला अधिवेशन बिहीबार सन्धिखर्कमा सम्पन्न भएको छ । अधिवेशनले तारा प्रसाद घिमिरेको अध्यक्षतामा ११ सदस्यीय नयाँ जिल्ला कार्यसमिति सर्वसम्मत रूपमा चयन गरेको छ ।
कार्यसमितिको प्रथम उपाध्यक्षमा लेखनाथ भण्डारी, द्वितीय उपाध्यक्षमा दामोदर बन्जाडे, सचिवमा रामलाल भुसाल, कोषाध्यक्षमा लक्ष्मण खड्का र सह–सचिवमा विष्णुप्रसाद पोख्रेल चयन हुनुभएको छ । यस्तै, सदस्यहरूमा इन्द्रमणी बन्जाडे, कासीराम गैरे, मोहनराज भुसाल, टिकाराम खनाल र बिमला भुसाल रहनुभएको छ ।
अधिवेशनले महेश्वर पन्थीको संयोजकत्वमा ३ सदस्यीय लेखा समितिसमेत गठन गरेको छ । लुम्बिनी प्रदेश कोषाध्यक्ष नेत्रप्रसाद भुसालको प्रमुख आतिथ्यता र निवर्तमान अध्यक्ष प्रदिप भण्डारीको अध्यक्षतामा सम्पन्न कार्यक्रममा व्यवसायीहरूले संस्थागत एकता र सहकार्यमा जोड दिएका थिए ।
