बिद्यालय बाहिरको ज्याकेट लगाउदा रोहिणीमा निर्घात कुटिए बिद्यार्थी

Ujyalosandeshonline 1667+ समाचार ( )
२ पौष २०८०, सोमबार

भैरहवा । रुपन्देहीको रोहिणी गाउँपालिकामा बिद्यालयले तोकेको भन्दा फरक पोशाक लगाएकै कारण एक बिद्यार्थी प्रधानअध्यापकबाट निर्घात कुटिएका छन् । रोहिणी गाउँपालिका वडा नम्बर ७ मा रहेको मोडेल गोल्डेन फ्यूचर ईङलिस स्कूलका प्रधानअध्यापक शम्भु यादवले कक्षा ८ का बिद्यार्थीलाई जाडोमा ज्याकेट लगाएकै कारण कुटपिट गरेको बिद्यार्थीको आरोप छ । 

बिद्यार्थी आकाश गुप्ताका अनुसार बिद्यालयले जाडोमा लगाउनको लागि निलो रङ्गको स्वेटर तोकेको छ, तर अहिले सम्म सो स्वेटर प्राप्त भएको छैन । “पुस १ गते जाडो भएको कारण घरमै लगाउने ज्याकेट लगाएर बिद्यालय गएको थिए ।” गुप्ताले भने “चापाकलमा पानी खाईरहेको अवश्थामा हेडसर आएर आउटड्रेस किन लगाएको भन्दै कुट्न थाल्नुभयो ।”

अन्य बिद्यार्थीले पनि ज्याकेट लगाएको भन्दै प्रतिवाद गर्न खोज्दा शिक्षक शम्भु यादव झन आक्रमक भएको गुप्ताको आरोप छ । उनले भने “हेडसरले लात, मुक्का, झापड सबैले हान्न थाल्नुभयो, जेनतेन भागेर जोगिए ।”

शिक्षकको कुटाईबाट १६ बर्षिय बिद्यार्थी आकाशको आँखा, कान, छाती, हातको औला लगायतमा चोटपटक लागेको छ । उनको बिद्यालय पोशाक पनि च्यातिएको छ । अहिले उहा बिद्यालय जान सक्ने अवश्थामा छैनन् । 

आकाशका ठूलो बुवा सर्जुन प्रसाद गुप्ताले शिक्षकले यस अघि पनि भतिजालाई कुटपिट गरे पनि सहेर बसेको तर अब कानूनी उपचारमा जाने बताए । “यो भन्दा पहिला पनि कुटेको रहेछन्, बिद्यालयमा बिद्यार्थीलाई अनुशासनमा राख्नलाई होला भनेर केही नबोली बस्यौ ।” उनले भने “तर पटक पटक तथा रक्ताम्य हुने गरि नै कुट्न थाले पछि अब कानूनी उपचारमा जानेछौं ।”

सर्जुनले रोहिणी गाउँपालिकाको शिक्षा शाखामा उजुरी दिएका छन् । गाउँपालिकाका शिक्षा शाखा प्रमुख मधु प्रसाद घिमिरेले यस बिषयमा कार्यवाही अगाडी बढाईएको बताए । “हामीले सम्बन्धित शिक्षकलाई स्पष्टिकरण सोधेका छौं ।” घिमिरेले भने “यस बिषयमा कुनै सम्झौता नगरि कार्यवाही अगाडी बढाउने छौं ।” 

यस बिषयमा बुझ्दा मोडेल गोल्डेन फ्यूचर ईङलिस स्कूलका प्रधानअध्यापक शम्भु यादवले भने आफुले कुनै कुटपिट नगरेको बताए । उनले कुटपिटबाट नभई आफुले लगाएको घडीबाट बिद्यार्थीलाई चोट लागेको दावी गरे । शिक्षक यादवले बिद्यार्थी आकाश गुप्ताले आफ्नो शर्टको कलर समातेको र सोही छुट्याउने क्रममा चोट लागेको हुन सक्ने बताए । “घाम लागेको कारण ज्याकेट फुकाल भन्दा उनि आक्रमक भएका हुन् ।” शिक्षक यादवले भने 


प्रतिक्रिया

😆😆 ४ पौष २०८०, बुधवार

यस्तो ठूलो गरीमाए पदमा रहेर झुटो बोल्न लाज लाग्दैन त। प्रधानाध्यापक साहब ।

Boss २ पौष २०८०, सोमबार

School License kharij garna paryo balla yo school wala haru kura bujhxan

Dinesh gupta २ पौष २०८०, सोमबार

Ahile nalayk techar haru le ramro sikchha dina na sakera kutpit bat padhaune paryas gareka xan

Mohammed Irshad Ahemed २ पौष २०८०, सोमबार

Licence kharij Ra pidit lai ausadhi upchar kharch

ताजा समाचार

सबै







ट्रेन्डिङ

सबै







सम्बन्धित समाचार