नवलपरासी । भन्सार छलेर ल्याइएका ३२ लाख रुपैयाँ मूल्य बराबरका ८८ थान मोबाइल शसस्त्र प्रहरीले बरामद गरेको छ । सशस्त्र प्रहरी हरपुर गुल्मबाट खटिएको गस्ती टोलीले नवलपरासीको सरावल गाउँपालिका–४ बडसारबाट मोबाइल बरामद गरेको हो ।
भारतीय मोटरसाइकलमा चढेर आएका व्यक्तिले झोलामा राखेर लैजाँदै गरेको मोबाइल बरामद गरिएको सशस्त्र प्रहरी बल नेपाल २६ नम्बर गण नवलपरासीका सूचना अधिकारी डीएसपी यज्ञमान साउदले जानकारी दिए । बरामद गरिएका मोबाइलमा ४० थान आइफोन र ४८ थान पोको नामक ब्राण्डका रहेका छन् ।
