भैरहवा । नेपाल प्रहरी प्रधान कार्यालयले जिल्ला प्रहरी कार्यालय मोरङमा सरुवा भएको ८ महिनामै एसपी नवराज कार्कीको जिम्मेवारी खोसेर प्रहरी हेडक्वार्टर तानेको छ।
उनी आर्थिक अनियमिततामा मुछिएको आरोप लागेको छ। नेपाल प्रहरीका केन्द्रीय प्रवक्ता तथा डीआईजी दानबहादुर कार्कीका अनुसार कार्कीलाई मोरङबाट प्रहरी हेडक्वार्टरको अपराध अनुसन्धान विभागमा सरुवा गरिएको छ।
कार्कीलाई हेडक्वार्टर तानेर अपराध अनुसन्धान कार्यालयमा कार्यरत एसपी राजन लिम्बूलाई जिल्ला प्रहरी कार्यालय मोरङमा पठाइएको छ।
