अर्घाखाँची । हार्ट फाउन्डेसन अर्घाखाँचीको आयोजनामा सञ्चालित मुटु परीक्षण शिविरमा १ सय १२ जना सर्वसाधारणले स्वास्थ्य जाँच गराएका छन् । लायन्स क्लब अफ अर्घाखाँची, अर्घाखाँची हस्पिटल प्रा.लि. र भोजराज-पवित्रा स्मृति प्रतिष्ठान अर्घाखाँचीको सहयोगमा उक्त शिविर सञ्चालन भएको हो। शिविरमा सुगर, प्रेसर तथा मुटुको परीक्षण गरिएको थियो ।
शिविरका प्रमुख अतिथि एवं मुटुरोग विशेषज्ञ डा. सुमन्त बन्जाडेका अनुसार शिविरमा २६ जनाको ईसिजी (ECG) सहित विस्तृत जाँच गर्दा १५ जनाले नियमित औषधि सेवन गर्नुपर्ने अवस्था देखिएको छ । उक्त स्वास्थ्य शिविरमा सन्धिखर्क नगरपालिका वडा नं ९ का वडाध्यक्ष पदम बहादुर भुसाल, हार्ट फाउन्डेसन तथा लायन्स क्लबका कृष्ण प्रसाद भुसाल, फाउन्डेसनकी सचिव मेनुका पौडेल र अर्घाखाँची हस्पिटलका प्रमुख सुर्य थापा लगायतले सहजीकरण गर्नुभएको थियो।
