दाङ । दाङकाे शान्तिनगर गाउँपालिका वार्ड न ३ मा बालबिबाह न्यूनीकरण तथा महिला प्रजनन स्वास्थ सम्बन्धि २ दिने सचेतना मुलक कार्यक्रम सम्पन्न भएको छ । सहायता केन्द्र नेपालको आयोजना तथा सामाजिक बिकास डिभिजन कार्यालय लुम्बिनी प्रदेशको आर्थिक सहयोगमा मिति २०८० साल चैत्र २२ र २३ गते महिला र बालबालिका सहित ४० भन्दा धेरै को सहभागिता रहेको थियो।
सहायता केन्द्र नेपालका अध्यक्ष खेमराज बि क को अध्यक्षता तथा शान्तिनगर गाउँपालिका उपाध्यक्ष प्रेमा कुमारी भण्डारीको प्रमुख आतिथ्य र वार्ड अध्यक्ष निम बहादुर के.सी. को बिशिस्ट आतिथ्यमा भएको कार्यक्रममा बिमल के.सी., निर्मल नेपाली, पुजा बि.क. र रुमा कुमालले प्रशिक्षण दिनु भएको थियो।
सहायता केन्द्र नेपालकी उपाध्यक्ष अस्मिता नेपालीको स्वागत मन्तव्य बाट सुरु भएको कार्यक्रमको सहजीकरण सचिव मुना बि.क. ले गर्नु भएको थियो ।
