भैरहवा । बुटवलको कालिकापथमा रहेको हाईटेन्सन पोलमूनि एक जनाको शव भेटिएको छ । शव शनिबार देखि हराईरहेको भनिएका तिलोत्तमा नगरपालिका वडा नम्बर २ बस्ने २० वर्षिय गोपाल टण्डनको रहेको प्रहरीले जानकारी दिएको छ ।
जिल्ला प्रहरी कार्यालय रूपन्देहीका प्रवक्ता प्रहरी नायब उपरिक्षक सुरज कार्कीका अनुसार टण्डन हराएको भन्दै खोजीका लागि आईतबार प्रहरीमा परिवारले निवेदन दिएका थिए ।
सोमबार स्थानियहरुले हाईटेन्सन पोल मूनि शव देखे पछि प्रहरीलाई खबर गरेका थिए । प्रहरी प्रवक्ता कार्कीले टण्डनको मृत्यु दुर्घटनाबाट भएको बताएका छन् । “हामीले त्यो क्षेत्रको विभिन्न सिसिटीभी क्यामेराहरुको अवलोकन ग¥यौ”, कार्कीले भने “सोही क्रममा शनिबार राती उहाँको दुर्घटना भएको देखिएको हो, यस विषय अन्य अनुसन्धान गरिरहेकै छौं ।”
लु ४८ प ३१७० नम्बरको मोटरसाइकल बुटवल ११ कालिका पथमा विद्युतको वालमा ठोक्किँदा सो दुर्घटना भएको डिएसपी कार्कीले बताए । सामाजिक सञ्जालहरुमा सार्वजनिक भएको सिसिटीभी दृश्यहरुमा राती करिब सवा २ बजे दुर्घटना भएको देखिएको छ । तिव्र गतिमा रहेको मोटरसाईकल पोल नजिकै थुपारिएको निर्माण सामाग्री हुदै पोलमा ठोक्किएको देखिएको छ ।
हाइटेन्सन पोलमा ठोक्किएर दुर्घटना भईरहेको गुनासो बढ्दै गए पछि अहिले त्यसको स्थानमा मोनोपोल लगाउने कामको सुरुवात भएको छ ।
