धकधई । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) आज रुपन्देही आइपुग्नुभएको छ। पार्टीले आयोजना गरेको 'घण्टी अभिवादन तथा जनसम्पर्क कार्यक्रम'मा सहभागी हुन उहाँ यहाँ आउनुभएको हो। शाहको यस भ्रमणले रुपन्देहीमा रास्वपाको चुनावी अभियानलाई थप गति दिने अपेक्षा गरिएको छ।
रुपन्देही भ्रमणका क्रममा शाह क्षेत्र नम्बर १ को धकधईमा आयोजना गरिएको कार्यक्रममा सहभागी हुँदैछन्। रास्वपाका नेताहरूले शाहको रुपन्देही क्षेत्र नम्बर १ को आगमनले पार्टीलाई थप मजबुत बनाउने अपेक्षा राखेका छन्। रास्वपाका लुम्बिनी प्रदेश सदस्य एवं रुपन्देही क्षेत्र नम्बर १ का प्रचार प्रसार संयोजक प्रेम खत्रीले शाह धकधईमा अपरान्ह ४ बजे आइपुग्ने जानकारी गराउनुभयो। शाहको यस भ्रमणले स्थानीयस्तरमा पार्टीको उपस्थिति र जनसम्पर्कलाई अझ प्रभावकारी बनाउने देखिन्छ।
