पाल्पा । पाल्पाको रामपुर कालिकण्डकी करिडोर सडक खण्ड देखी बिरोटा जाने कच्ची भित्री सडक खण्डमा अवैध सालको काठ सहितको ट्याक्टर प्रहरीले नियन्त्रणमा लिएको छ । रामपुर नगरपालिका ८ भुजातमा २१ गोलिया सालको अवैध काठ सहित लु ४ त ७७०० नम्बरको ट्याक्टर र चालकलाई पक्राउ गरिएको ईलाका प्रहरी कार्यालय रामपुरका प्रहरी प्रमुख प्रहरी निरीक्षक राम बहादुर नेपालीले जानकारी दिए । ३९.९८ क्युफिट सालको काठ र चालक सहित ट्याक्टर नियन्त्रणमा लिई आवश्यक कारवाहीको लागि सब डिभिजन वन कार्यालय रामपुर पाल्पामा बुझाईएको प्रहरीले जनाएको छ ।
