काठमाडौं । नेपाल प्रहरीका १८ जना कर्मचारी विगत असार महिनादेखि सम्पर्कविहीन भएका छन्। प्रहरी सहायक हवल्दारदेखि कार्यालय सहयोगीसम्मका विभिन्न दर्जाका ती कर्मचारीहरू आफूखुसी कार्यालयमा हाजिर नभएको र पटकपटक सूचना जारी गर्दा पनि सम्पर्कमा नआएको नेपाल प्रहरी प्रधान कार्यालयले जनाएको छ।
प्रधान कार्यालयले ती कर्मचारीहरूलाई सात दिनभित्र हाजिर हुन आउन अनुरोध गरेको छ। जारी सूचनामा भनिएको छ, "सात दिनभित्र आफू गैरहाजिर रहनुको कारण खोली सन्तोषजनक स्पष्टीकरण जवाफसहित हाजिर हुन नआएमा प्रचलित कानुनअनुसार सेवाबाट हटाउने चेतावनी दिइएको छ।" सम्पर्कविहीन हुने कर्मचारीहरूमा प्रहरी सहायक हवल्दार र कार्यालय सहयोगी दर्जाका व्यक्तिहरू रहेका छन्। यसरी लामो समयसम्म कर्मचारी सम्पर्कविहीन हुनुले प्रहरी संगठनभित्र अनुशासन र उपस्थितिमाथि प्रश्न उठेको छ।
