धकधई । रुपन्देहीको रोहिणी गाउँपालिका-२,मा प्रहरीले नागरिक सुनुवाई कार्यक्रम सम्पन्न गरेको छ। ईलाका प्रहरी कार्यालय धकधई र प्रहरी चौकी मैनिहवाको संयुक्त आयोजनामा भएको उक्त कार्यक्रममा शान्ति सुरक्षामा प्रहरी र नागरिकबीच सहकार्य बढाउने विषयमा छलफल भएको थियो।
ईलाका प्रहरी कार्यालय धकधईका प्रमुख, प्रहरी निरीक्षक श्याम प्रकाश यादवको अध्यक्षतामा सम्पन्न कार्यक्रममा स्थानीय जनप्रतिनिधि, व्यवसायी, बुद्धिजीवी लगायत करिब ४५ जनाको सहभागिता थियो। सहभागीहरूले राखेका गुनासो तथा जिज्ञासामाथि प्रहरी निरीक्षक यादवले जवाफ दिनुभएको थियो।कार्यक्रमको मुख्य उद्देश्य प्रहरी र समुदायबीचको विश्वास अभिवृद्धि गरी शान्ति सुरक्षा सुदृढ पार्नु रहेको बताइएको छ।
