भैरहवा । राष्ट्रिय स्वतन्त्र पार्टीका सभापति रवि लामिछानेलाई सहकारीको बचत रकम अपचलनको आरोपमा भैरहवा ल्याईएको छ । पोखरा बिमानस्थलमा बिहान ६ बजे नै पुगे पनि गौतमबुद्ध अन्तराष्ट्रिय विमानस्थलमा उनलाई १२ः२८ बजे मात्र ल्याईएको थियो ।
पोखराबाट विहान ७ बजेको उडान भए पनि भैरहवाको खराब मौषमको कारण लामिछानेलाई ढिलो गरि भैरहवा ल्याईएको हो । कडा सुरक्षाका बिच लामिछानेलाई विमानस्थलबाट सोझै सरकारी वकिलको कार्यालय, रुपन्देहीमा पु¥याईएको थियो ।
लामिछानेको जिल्ला सरकारी वकिल कार्यालयमा बयान जारी रहेको छ । उनलाई रुपन्देहीको बुटवलस्थित सुप्रिम बचत तथा ऋण सहकारी संस्थाको रकम अपचलनको आरोपमा भैरहवा ल्याएलगत्तै बयान सुरु भएको हो ।
सहकारी ठगी प्रकरणमा मुछिएका राष्ट्रिय स्वतन्त्र पार्टी (रास्वपा) सभापति लामिछानेसहित १२ जनाविरुद्ध रुपन्देही जिल्ला अदालतले पक्राउ पुर्जी जारी गरेको छ । पक्राउ पुर्जी जारी हुनेमा लामिछाने, छविलाल जोशी, दीपक लामा, अनन्तबाबु राई, बल्लभ नेपाल, विशाल तामाङ, रविना रिमाल, भगवती बम्जन, विज्ञान राई, सुरक्षा अधिकारी, नरेश जिसी र शिवबहादुर गुरुङ छन् ।
रविलाइ भैरहवा ल्यइने जानकारी पाएका राष्ट्रिय स्वतन्त्र पार्टीका कार्यकर्ताहरुले विहानै देखि गौतमबुद्ध अन्र्तराष्ट्रिय विमानस्थल अगाडी प्रदर्शन गरेका थिए ।
