अर्घाखाँची । भूमिकास्थान नगरपालिकाको नयाँ प्रशासकीय भवनको एक समारोहका बीच शिलान्यास गरिएको छ । नगर प्रमुख झविलाल थापाले जग पुजेर भवनको विधिवत् शिलान्यास गर्नुभएको हो । शिलान्यास कार्यक्रममा बोल्दै नगर प्रमुख थापाले स्थानीय सरकार जनताको सरकार भएको बताउनुभयो ।
नयाँ भवन निर्माण सम्पन्न भएपछि नगरबासीलाई थप व्यवस्थित र प्रभावकारी रूपमा सेवा प्रवाह गर्न सहयोग पुग्ने उहाँको विश्वास थियो । करिब ९ करोड रुपैयाँको लागतमा निर्माण हुन लागेको उक्त भवनको निर्माण कार्यको जिम्मा खनाल कन्स्ट्रक्सनले पाएको छ । कार्यक्रममा नगर उपप्रमुख बालकृष्ण बन्जाडे, प्रमुख प्रशासकीय अधिकृत जगदीशचन्द्र नेपाली, वडा अध्यक्षहरू, कार्यपालिका सदस्यहरू तथा विभिन्न शाखा प्रमुखहरूको उपस्थिति रहेको थियो ।
