भैरहवा । रुपन्देहीको लुम्बिनी साँस्कृतिक नगरपालिका वडा नम्बर ११ जितवापुर गाँउमा दुई समूहका युवाहरु बिच झडप भएको छ । झडपमा परि एक जना सामान्य घाइते भएका छन भने कटुवा पेस्तोल सहित दुइ जना पक्राउ परेका छन ।
जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक सुरज कार्कीका अनुसार जितवापुरमा राती महायज्ञ चलिरहेको थियो । सोही क्रममा राती करिब १२ बजे दुई समूह बिच सामान्य विवाद हुदा सोही ठाउँ बस्ने २७ वर्षिय विक्रम सिंह लोध सामान्य घाइते भएका छन । झगडामा संलग्न सोही स्थानका २७ वर्षिय कलामुद्दिन मुसलमान र २६ वर्षिय रोशन अलि फकिरलाई नियन्त्रणमा लिएको उनले बताए । नियन्त्रणमा लिएकाहरुबाट एक थान कटुवा पेस्तोल बरामद भएको प्रहरी प्रवक्ता कार्कीले जानकारी दिए ।
घाइते लोधको भैरहवा स्थित भीम अस्पतालमा उपचार भैरहेको र अवस्था सामन्या रहेको तथा यस विषयमा थप अनुसन्धान भैरहेको कार्कीले बताए ।
