काठमाडौँ । सञ्चार तथा सूचना प्रविधिमन्त्री पृथ्वीसुब्बा गुरुङले प्रधानमन्त्रीको राजीनामा आउने सम्भावना नरहेको स्पष्ट पारेका छन् । सोमबार राति अबेरसम्म बसेको मन्त्रिपरिषद् बैठकका निर्णयहरू सार्वजनिक गर्दै मन्त्री गुरुङले प्रधानमन्त्री र अन्य मन्त्रीहरूको राजीनामाको कुनै सम्भावना नरहेको बताएका हुन् ।
यद्यपि, उनले गृहमन्त्री रमेश लेखकले भने राजीनामा दिएको जानकारी दिए। सञ्चारकर्मीको प्रश्नमा मन्त्री गुरुङले, 'सडकमा बसेर राजीनामा मागेर हुन्छ र?' भन्दै राजीनामा माग्ने तरिकाप्रति असन्तुष्टि व्यक्त गरे । मन्त्रिपरिषद् बैठकले जेनजी प्रदर्शनका क्रममा ज्यान गुमाएकाहरूलाई उचित राहत उपलब्ध गराउने र घाइतेहरूको निःशुल्क उपचार गर्ने निर्णय पनि गरेको मन्त्री गुरुङले जानकारी दिए।
