परासी । नवलपरासी पश्चिम प्रहरीले एक जना फरार प्रतिवादीलाई पक्राउ गरेको छ । पक्राउ पर्नेमा नवलपरासी पश्चिम, रामग्राम नगरपालिका-१२ की पार्वती कुमारी हरिजन रहेको प्रहरीले जनाएको छ ।
अदालतले एक महिना २ दिन कैद र एक करोड १३ लाख जरिवाना सजाएको फैसला गरेको बैंकिङ कसुर मुद्दाका फरार प्रतिवादी हरिजनलाई पक्राउ गरिएको जिल्ला प्रहरी कार्यालय नवलपरासी पश्चिमका प्रहरी निरीक्षक शिव क्षेत्रीले बताए ।
फरार प्रतिवादीलाई पक्राउ गरेर अदालतमा उपस्थित गराइएपछि अदालतले फैसला कार्यान्वयनका लागि जिल्ला कारागार कार्यालय नवलपरासीमा पठाएको प्रहरीले जनाएको छ । नवलपरासी पश्चिमले जिल्लामा फरार प्रतिवादीहरुलाई पक्राउ गर्नका लागि अभियान चलाएको छ ।
