भैरहवा । नेकपा (एमाले)को जनवर्गीय संगठन नेपाल मुस्लिम इत्तेहाद संगठनले राष्ट्रिय महाधिवेशन वैशाख २० र २१ गतेका लागि तय गरेको छ ।
शनिबार एमाले मुख्यालय च्यासलमा बसेको संगठनको केन्द्रीय कमिटी बैठकले राष्ट्रिय महाधिवेशन बाँकेको नेपालगञ्जमा वैशाख २० र २१ गते गर्ने निर्णय गरेको हो । महाधिवेशन तयारी गर्नको लागि बैठकले १३ वटा विभिन्न उपसमितिहरु समेत गठन गरेको राष्ट्रिय महाअधिवेशन प्रचार प्रसार उपसमिति सदस्य क्यामुद्दिन पठानले जानकारी दिए ।
संगठनका केन्द्रीय अध्यक्ष सेराज अहमद फारुकीको अध्यक्षतामा बसेको बैठकमा एमाले महासचिव शंकर पोखरेलको प्रमुख आतिथ्यता रहेको थियो । महाधिवेशनलाइ प्रधानमन्त्री केपी शर्मा ओलीले उदघाटन गर्ने कार्यक्रम तय भएको पठानले बताए ।
