बुटवल । लुम्विनी प्रदेश सभाका सभामुख तुलाराम घर्ती मगर नेतृत्वको प्रतिनिधि भ्रमण टोली आज चिन तर्फ प्रस्थान गर्नु भएको छ ।
भ्रमणमा सभामुख तुलाराम घर्ती मगर उहांको धर्मपत्नी दिल कुमारी रोका, उप–सभामुख मेनुका खांड केसी, नेकपा (एमाले) संसदीय दलका प्रमुख सचेत तुलसी प्रसाद चौधरी र प्रदेश सभा सचिव दुर्लभकुमार पुन रहनु भएको छ ।
छुङ्किङ् अन्तर्राष्ट्रिय सांस्कृतिक आदानप्रदान केन्द्रको सहजीकरणमा उहांहरु आज दिउसो त्रिभूवन अन्तराष्ट्यि विमान स्थलबाट चिन तर्फ प्रस्थान गर्नु भएको हो ।
छुङ्किङ् रहँदा प्रतिनिधिमण्डलले छुङ्किङ् म्युनिसिपल पिपुल्स कंग्रेससंग भेटवार्ता गर्ने कार्यक्रम तय भएको छ । सभामुख घर्ती मगरले भ्रमणले चोङकिङ म्युनिसिपल र लुम्बिनी प्रदेशबीचको संचार सम्वन्ध र सहकार्यलाई थप मजबुत बनाउने विश्वास लिएको बताउनु भयो । छुङकिङ महानगरको चिनको ठूलो ४ महानगर मध्ये एक महानगर हो ।
एक साता लामो चिन भ्रमणको क्रममा त्यहांको सांस्कृतीक, ऐतिहासिक क्षेत्रको अवलोकन भ्रमण र संसदीय अभ्यास तथा त्यहाको विकासको मोडलको वारेमा पनि अध्ययन अवलोकन भ्रमण गरिने सचिव दुर्लभ कुमार पुनले जानकारी दिनुभयो ।
