भैरहवा । सिद्धार्थनगर नगर पालिका वडा नम्बर ९ गोनहियामा रहेको श्री विन्द्य्यवासिनी मिसुजु आधारभूत विद्यालयको ३०औ वार्षिकोत्सव सम्पन्न भएको छ ।
२०५१ पुस १ गते स्थापना भएको विध्यालयमा जपानी दाताहरुको सहयोगम भवन निर्माण गरिएको थियो । तत्कालिन विन्ध्वासिनी मन्दिरको जग्गामा विद्यालय निर्माण भएको छ ।
विद्यालय नगरपालिकामा रहे पनि अभाव झेलिरहेको छ । ११५ जना विद्यार्थी मात्र रहेको विद्यालयको शिक्षण सिकाइ उपलब्धी समग्रमा ५० मात्र रहेको विद्यालयको प्रअ युवकला पाण्डेले जानकारी दिइन । १२ जना कर्मचारी शिक्षक रहे पनि आइसीटीको लागि तालिम प्राप्त शिक्षकको अभाव खडकी रहेको उनले बताइन । पहिला गोनहिया, दुमदुमवा, उदयपुर लगायतको बालबालिकाहरु विद्यालयमा अध्यय गरे पनि अहिले निजि विद्यालय र ठुला सामुदायिक विद्यालयकै कारण विध्यार्थी संख्या न्यून रहेको छ ।
विद्यालयकै छेउमा माछापालन र सुंगुरपालन रहेको छ । यसले विद्यालयमा दुर्घन्ध फैलिएर कठिनाइ भएको उनले बताइन । ग्रामिण क्षेत्रको विद्यालय भएकोले विद्यालयमा खानेपानी र शौचालयको कमि रहेको छ ।
कार्यक्रममा बोल्दै सिद्धार्थनगर नगरपालिकाका शिक्षा शाखा प्रमुख चेतनशील लम्पसालले अभिभावकहरुले घरमा विध्यार्थीहरुलाइ पढाइको माहौल बनाइदिनु पर्ने बताए । घरमा गरेको अभ्यासले विद्यालयमा उनिहरुको पढाइमा ध्यान जाने र सिकाइ बढ्ने उनले धारणा राखे ।
विद्यालय व्यवस्थापन समिती अध्यक्ष रामबृक्ष यादवको अध्यक्षता, सिद्धार्थनगर नगर पालिकाका शिक्षा शाखा प्रमुख चेतनशील लम्प्सालको प्रमुख आतिथ्यतामा सम्पन्न कार्यक्रममा वडा नम्बर ९ का वडा सदस्य वसन्त भट्टराई, बसुन्धरा पोखरेल, गोनहिया टोल सुधार समिति गोनहियाका कोषाध्यक्ष मोती बहादुर थापा मगर लगायतले बोलेका थिए । शिक्षिका उषा घिमिरेको सन्चालन र पूर्व प्रधान अध्यापक चतुर्भुज रेग्मीको स्वागतमा कार्यक्रम सम्पन्न भएको थियो ।
