काठमाडौँ । ऊर्जा, जलस्रोत तथा सिँचाइमन्त्री कुलमान घिसिङले आफू कुनै पनि राजनीतिक दलमा आबद्ध हुने विषयमा कुनै छलफल नभएको स्पष्ट पार्नुभएको छ। उहाँले 'उज्यालो नेपाल पार्टी' सँग आफ्नो आबद्धता र उक्त पार्टीको अध्यक्ष बन्न लागेको भन्ने खबरहरू असत्य भएको बताउनुभएको छ ।
विभिन्न सामाजिक सञ्जाल र सञ्चारमाध्यममा प्रकाशित समाचारहरूप्रति गम्भीर ध्यानाकर्षण भएको बताउँदै मन्त्री घिसिङले भन्नुभयो, “सूचनारसमाचारमा उल्लेख गरिएजस्तो उक्त पार्टीमा मेरो आवद्धताका बारेमा कुनै किसिमको छलफल भएको छैन। प्रचार गरिएजस्तो ‘जुम’ बैठकमा मेरो सहभागितासमेत नरहने प्रष्ट पार्दछु।"
उहाँले थप स्पष्ट पार्दै भन्नुभयो, "मसँग कुनै छलफल र सल्लाह नै नगरी दुषित मनसायका साथ असत्य तथा तथ्यहीन सामग्री प्रचारप्रसार गरिएको हुँदा यसको खण्डन गर्दछु र सबैलाई त्यस्ता भ्रममा नपर्न अनुरोध गर्दछु।” यसरी मन्त्री घिसिङले आफूलाई जोडेर आएका सबै हल्लाहरूको खण्डन गर्दै यस्ता भ्रामक समाचारहरूमा विश्वास नगर्न सबैलाई आग्रह गर्नुभएको छ ।
