भैरहवा । आईतबार राती भएको दुर्घटनामा मालपोत कार्यालय, मझगावामा कार्यरत मालपोत अधिकृत ४२ बर्षिय तिलक बहादुर रावतको मृत्यु भएको छ ।
आईतबार राती करिब पौने ९ बजे भैरहवाबाट बनगाई तर्फ गईरहेको बा २१ च ७५५३ नम्बरको कार र विपरीत दिशाबाट आउदै गरेको प्रदेश ३–०२–००१ ब ४८० नम्बरको मोटरसाईकल ठोक्किदा मोटरसाईकलमा सवार रावतको मृत्यु भएको हो । जिल्ला ट्राफिक प्रहरी प्रमुख, ट्राफिक प्रहरी निरिक्षक बजिर सिंह विष्टका अनुसार दुर्घटना गौतमबुद्ध अन्र्तराष्ट्रिय बिमानस्थलको गेट अगाडी भएको हो । घाईते अवश्थामा रहेका रावतलाई तत्काल उद्दार गरि सिद्धार्थनगर सिटी अस्पताल पु¥याईए पनि चिकित्सकले उनलाई मृत घोषणा गरेका थिए ।
बिमानस्थल गेट अगाडी बनगाई तर्फबाट आउने कतिपय सवारी साधन गल्लामण्डी पुग्नको लागि गलत साईडबाट हाक्ने गरेका छन् । छिटो पुग्न गरिने यस्तै प्रयासले त्यो क्षेत्रा दुर्घटना हुने गरेको छ । सोमबार भएको दुर्घटना पनि छिटो पुग्न गलत बाटो प्रयोग भएको कारण हुन सक्ने प्रहरीको प्रारम्भिक अनुमान छ । कार चालक लुम्बिनी सांस्कृतिक नगरपालिका वडा नम्बर ३ बस्ने ५३ बर्षिय अलाउद्दिन मुसलमान प्रहरी नियन्त्रणमा रहेको ट्राफिक प्रहरी निरिक्षक बजिर सिंह बिष्टले जानकारी दिए ।
