रुपन्देही । रुपन्देहीको रोहिणी गाउँपालिका वडा नम्बर ३, कदमहवामा एक पुरुषको शव फेला परेको छ । भैरहवा-परासी सडकखण्ड अन्तर्गत सडकको दक्षिण तर्फ नाम र ठेगाना नखुलेको अवस्थामा शव भेटिएको हो ।
घटनाको जानकारी पाएलगत्तै इलाका प्रहरी कार्यालय धकधईको टोलीले घटनास्थल पुगेर अनुसन्धान सुरु गरेको छ । मृतकको पहिचान खुल्न बाँकी रहेको र घटनाबारे थप अनुसन्धान भइरहेको जिल्ला प्रहरी कार्यालयका सूचना अधिकारी डिएसपी गणेश सापकोटाले जानकारी दिएका छन् ।
