बुटवल । रुपन्देहीको बुटवलस्थित भाटभटेनी सुपर मार्केटमा भएको लुटपाटमा संलग्न भएको आरोपमा कालिका मानवज्ञान माध्यमिक विद्यालयका शिक्षक शिवशंकर शुक्लालाई विद्यालयले कारवाही गरेको छ ।
भदौ २४ गते जेनजीको प्रदर्शनका क्रममा बुटवलको सुख्खानगरस्थित भाटभटेनीमा भएको अनियमिततामा शुक्लाको संलग्नता देखिएको विद्यालयले जनाएको छ । विद्यालयको आचरण संहिता तथा नियमविपरीत कार्य गरेको ठहरिएकाले शिक्षक शुक्लालाई आजको मितिदेखि लागू हुने गरी विद्यालयबाट हटाइएको प्राचार्य दिनेश थापाले जानकारी दिनुभयो ।
