भैरहवा । ओमासतिया गाउँपालिकाको आयोजनामा ३ दिने पुनर्ताजगी तालिम मंगलवार सम्पन्न भएको छ । ओमासतिया गाउँपालिकाको सभाहलमा सम्पन्न तालीममा ६ वटै वडाका मेलमिलाप कर्ताहरु सहभागी थिए । तालिमको सहजीकरण अधिवक्ता हेमा न्यौपानेले गरेकी थिइन ।
कार्यक्रममा न्यायिक समितिमा आउने समस्याहरु, वादविवाद, मुद्दाहरूलगायतका विषयहरुमा छलफल गर्ने, न्यायिक समिति, मेलमिलाप समितिको काम कर्तव्य र अधिकारका विषयमा जानकारी गराइएको थियो ।
ओमसतिया गाउँपालिका उपाध्यक्ष तथा न्याय समिति संयोजक सुनिता चौधरीको अध्यक्षतामा भएको समापन कार्यक्रममा गाउँपालिका अध्यक्ष मन्जित कुमार यादव , वडा नम्बर ३ का वडाध्यक्ष प्रकाश सिंह चौधरी ,प्रमुख प्रशासकीय अधिकृत विपिन क्षेत्री लगायतको आतिथ्यता रहेको थियो । कार्यक्रमको सञ्चालन कल्पना अर्यालले गरेको थिइन् ।
