परासी । प्रहरीले लागुऔषध सहित एक जनालाई पक्राउ गरेको छ । परासीबाट धरमपुर आउदै गरेका रामग्राम वडा नम्बर १५ डिगोल बस्ने २४ बर्षे नुर मोहम्मद धुनियालाई पक्राउ गरिएको जिल्ला प्रहरी कार्यालय (ब.सु.प.) नवलपरासीले जानकारी दिएको छ ।
मंगलवार अन्दाजी १ बजे लु ४४ प १५४२ नम्बरको मोटरसाइकलमा झोलामा लुकाएर लागुऔषध ल्याउँदै गर्दा उनलाई पक्राउ गरिएको प्रहरी कार्यालय (ब.सु.प.) नवलपरासीका सुचना अधिकारी प्रहरी नायव उपरीक्षक रमेश बोहराले जानकारी दिए ।
