अर्घाखाँची । सहकारी संघ संस्थाहरु नीति, बिधि र प्रविधिमा आधारित भई सञ्चालन हुनुपर्ने सन्धिखर्क नगरपालिका प्रमुख प्रशासकीय अधिकृत खिमानन्द भुसालले बताउनुभएको छ ।
अर्घाखाँचीको त्रीवेणी बचत तथा ऋण सहकारीले आयोजना गरेको ६८औं राष्ट्रिय सहकारी दिवसको अबसरमा आयोजना गरेको शुभकामना आदानप्रदान कार्यक्रम तथा वि.स.२०८२ सालको भित्तेपात्रो विमोचन कार्यक्रममा मन्तब्य राख्दै भुसालले यस्तो बताउनुभएको हो ।
भुसालले सहकारी नवीनतम, उद्यमशील र रोजगारमूलक काम गनुपर्ने बताउदै त्रिवेणी सहकारीले जिल्लामा उत्कृष्ट र रचनात्मक सकारात्मक काम गरेको बताउदै सहकारीले प्रविधिमैत्री काम गर्नुपर्ने जाेड दिएका थिए । कार्यक्रममा जिल्ला सहकारी संघका उपाध्यक्ष लक्ष्मण कडेल, जिल्ला बचत तथा ऋण सहकारी संघका अध्यक्ष दोर्ण प्रसाद भुसाल र पत्रकार महासंघ लुम्बिनी प्रदेश कोषाध्यक्ष प्रेम आचार्यले लगायतले कार्यक्रममा मन्तव्य राख्नुभएको थियो ।
कार्यक्रम त्रीवेणीका अध्यक्ष कमल प्रसाद घिमिरेको अध्यक्षता, प्रकाशन उपसमिति संयोजक गणेश पौडेलको स्वागत मन्तव्य र सचिव नारायण प्रसाद भुसालको सन्चालनमा सम्पन्न भएको थियो ।
