धकधई । रुपन्देहीको रोहिणी गाउँपालिकास्थित श्री रामनरेश यादव आदर्श नमुना माध्यमिक विद्यालय धकधईको अभिभावक भेला तथा बैठकले नयाँ विद्यालय व्यवस्थापन समिति र सल्लाहकार टोली चयन गरेको छ । ज्येष्ठ सदस्य नवनीतकुमार मिश्रको अध्यक्षतामा बसेको बैठकले मिश्रलाई नै सर्वसम्मत रूपमा विद्यालय व्यवस्थापन समितिको अध्यक्षमा चयन गर्ने निर्णय गरेको हो । समितिको सदस्यहरूमा महेन्द्रप्रसाद गौड, दुर्गावती कुर्मी ,रीमा कुर्मी र मनोनित सदस्य महेश यादव रहनुभएको छ ।
त्यस्तै पदेन सदस्यमा वडाध्यक्ष वीरबहादुर क्षेत्री र सदस्य–सचिवमा प्रधानाध्यापक इन्द्रकुमार यादव रहनुभएको छ । बैठकले विद्यालयको शैक्षिक तथा भौतिक विकासका लागि प्रमुख सल्लाहकारमा बैजनाथ सहानीलाई मनोनीत गरेको छ । त्यसैगरी विशिष्ट सल्लाहकारमा सतिश मिश्र, बृजेशकुमार जयसवाल, नगेन्द्र धवल र निरज यादवलाई चयन गरिएको छ । बैठकले शिक्षक–अभिभावक संघको अध्यक्ष पदमा रघुनाथ कोहारलाई सर्वसम्मत रूपमा चयन गर्ने निर्णय गरेको विद्यालय प्रशासनले जनाएको छ ।
