तेक्वान्दोमा सुवास र निकिता च्याम्पियन

बागलुङ । मधेश प्रदेशका सुवास तामाङ र त्रिभुवन आर्मी क्लबकी निकिता धिमाल पहिलो मेयर कप प्रोफेसनल आइटीएफ तेक्वान्दो राष्ट्रिय प्रतियोगिताको च्याम्पियन भएका छन् ।

बागलुङको बुर्तिबाङमा सम्पन्न फाइनलमा सुवास पुरुष र निकिता महिलातर्पm प्रोफेसनल फाइटमा च्याम्पियन भएका हुन् । यससँगै दुवैले नगद ५० हजार रुपैयाँसहित ट्रफी र पदक हात पारे । 

बागलुङ जिल्ला आइटीएफ तेक्वान्दो संघको आयोजनामा भएको दुई दिने प्रतियोगिताको पुरुषतर्पm फाइनलमा सुवासले विभागीय प्रतिद्वन्द्वी नेपाल पुलिसका श्रीप्रसाद बूढालाई हराए । उपविजेता श्रीप्रसादले ३० हजार रुपैयाँसहित पदक प्राप्त गरे । 

आर्मीका अनिल तामाङ तेस्रो भए । तेस्रो स्थानका लागि भएको खेलमा बागमतीका रिकसान वाइबा तामाङ हराएका उनले २० हजार रुपैयाँ र पदक पाए । 

महिलातर्पm फाइनलमा निकिताले कोशी प्रदेशकी सजिना तामाङलाई पराजित गरिन् । उपविजेता सजिनाले नगद ३० हजार रुपैयाँसहित पदक पाइन् । त्रिभुवन आर्मीकी सचिना सुनुवारलाई हराएर तेस्रो भएकी कोशीकी कुसुम राजवंशीले  नगद २० हजार रुपैयाँ प्राप्त गरिन् ।