काठमाडौं। प्रधानमन्त्री वालेन्द्र शाहसँग भारतका विदेशमन्त्री डा. एस. जयशंकरले शिष्टाचार भेटवार्ता गर्नुभएको छ । नयाँ दिल्लीस्थित होटल ताजमहलमा भएको उक्त भेटवार्ताका क्रममा नेपाल र भारतबीचको द्विपक्षीय सम्बन्धका विविध पक्षमा छलफल भएको छ ।
विशेषगरी कनेक्टिभिटी, व्यापार, पारवहन तथा वाणिज्य, ऊर्जा, संस्कृति, शिक्षा र जनस्तरको सम्बन्धलगायतका क्षेत्रमा आपसी सहकार्यका विषयमा विचारविमर्श भएको हो । साथै, उहाँहरूबीच दुई देशबीचको द्विपक्षीय सहकार्यलाई आगामी दिनमा थप सुदृढ बनाउँदै लैजाने विषयमा समेत कुराकानी भएको छ । भारतका प्रधानमन्त्री नरेन्द्र मोदीको औपचारिक निमन्त्रणामा प्रधानमन्त्री शाह दुई दिने राजकीय भ्रमणका सिलसिलामा हाल भारतमा हुनुहुन्छ