रुपन्देही । सशस्त्र प्रहरी बलले रुपन्देहीको बुटवलबाट भन्सार छलीका विभिन्न साइजका मोजा र ढुवानीमा प्रयोग भएको अटोसहित रु छ लाख ७९ हजार ५०० बराबरको अवैध सामान बरामद गरेको छ । विशेष सूचनाका आधारमा सशस्त्र प्रहरी बल, नेपाल नं. २७ गण मुख्यालय रुपन्देहीबाट खटिएको टोलीले बुटवल उपमहानगरपालिका–१३ स्थित बेलबासमा चेकजाँच गर्ने क्रममा उक्त सामान नियन्त्रणमा लिएको हो । बरामद गरिएको अवैध सामान तथा अटो आवश्यक कारबाहीका लागि सम्बन्धित निकायमा बुझाइएको सशस्त्र प्रहरीले जनाएको छ ।