मुख्य समाचार
नेपाल–भारत द्विपक्षीय सहकार्यका विविध पक्षमा छलफल | जलीय जैविक विविधता जोगाउन रुपन्देहीका जलाशयमा २५ हजार माछाका भुरा छोडियो | प्रधानमन्त्रीको भारत भ्रमणमा सुस्ताको पीडा उठाउन स्थानीयको माग | नवलपरासीमा तस्करीको स्वरूप फेरियो : मोटरसाइकलमार्फत ओसारपसार र प्रहरीको नाममा असुलीको आरोप | लुम्बिनी सांस्कृतिक नगरपालिकामा आगो लगाई वातावरण प्रदूषित गर्ने पाँच जना नियन्त्रणमा | आठवटै एनपिएल क्लबलाई आफ्नै रङ्गशाला : प्रधानमन्त्री शाह | प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न |
मुख्य समाचार
नेपाल–भारत द्विपक्षीय सहकार्यका विविध पक्षमा छलफल | जलीय जैविक विविधता जोगाउन रुपन्देहीका जलाशयमा २५ हजार माछाका भुरा छोडियो | प्रधानमन्त्रीको भारत भ्रमणमा सुस्ताको पीडा उठाउन स्थानीयको माग | नवलपरासीमा तस्करीको स्वरूप फेरियो : मोटरसाइकलमार्फत ओसारपसार र प्रहरीको नाममा असुलीको आरोप | लुम्बिनी सांस्कृतिक नगरपालिकामा आगो लगाई वातावरण प्रदूषित गर्ने पाँच जना नियन्त्रणमा | आठवटै एनपिएल क्लबलाई आफ्नै रङ्गशाला : प्रधानमन्त्री शाह | प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न |


भीमफेदीमा कोदोखेती गर्ने किसानलाई अनुदान

Ujyalosandeshonline 12702+ समाचार ( )
२८ श्रावण २०८३, बिहीबार

मकवानपुर । यहाँको भीमफेदी गाउँपालिकाले कोदोबालीतर्फ किसानलाई आकर्षित गर्न नगद अनुदान कार्यक्रम सञ्चालन गर्ने भएको छ ।  गाउँपालिकाले आर्थिक वर्ष २०८३ / ०८४ को स्वीकृत वार्षिक कार्यक्रमअनुसार ‘रैथाने बाली खेती प्रोत्साहनका लागि नगद अनुदान कार्यक्रम’ सञ्चालन गर्न लागेको गाउँपालिकाका अध्यक्ष हिदम लामाले जानकारी दिनुभयो । “लोप हुने जोखिममा रहेका रैथाने बाली जोगाउने र कृषिकलाई यसतर्फ आकर्षित गराउने उद्देश्यका साथ हामीले कृषक प्रोत्साहनको यस खालको कार्यक्रम अघि सारेका हौँ”, उहाँले भन्नुभयो, “पालिकाका सबै वडामा कोदोखेती गर्ने किसान तथा कृषि फर्मले प्रोत्साहन अनुदानका लागि आवेदन दिन सक्नेछन् ।”

अध्यक्ष लामाका अनुसार कोदोखेती गरिएको क्षेत्रफल कम्तीमा दुई रोपनी वा सोभन्दा बढी हुनुपर्नेछ । उहाँका अनुसार यसमा अनुदानको एकाइ भने प्रतिरोपनी निर्धारण गरिएको छ । अनुदानका लागि पालिकाको कृषि विकास शाखाले सूचना प्रकाशित गर्दै भीमफेदी गाउँपालिकामा स्थायी ठेगाना भएका इच्छुक कृषक तथा कृषि फर्मलाई आवेदन आह्वान गरिएको प्रमुख प्रशासकीय अधिकृत चेतनाथ न्यौपानेले जानकारी दिनुभयो । “अनुदानका लागि पालिकाका कृषक तथा कृषि फर्महरुले पालिका कार्यालयको कृषि विकास शाखा वा सम्बन्धित वडा कार्यालयमा आवेदन दर्ता गर्न सक्नेछन् ।”, प्रमुख प्रशासकीय अधिकृत न्यौपानेले भन्नुभयो ।

गाउँपालिकाले किसानलाई आर्थिक वर्ष २०८३÷०८४ को कृषि कार्यक्रम सञ्चालनसम्बन्धी निर्देशिका–२०८०, संशोधित व्यवस्थाबमोजिम अनुदान उपलब्ध गराइने प्रमुख प्रशासकीय अधिकृत न्यौपानेको भनाई छ । गाउँपालिकाको स्थानीयस्तरमा परम्परागत रूपमा उत्पादन हुँदै आएको कोदोखेतीलाई पुनः प्रोत्साहन गर्ने नीति लिएकोमा आफूहरुजस्ता कृषकलाई यसमा टिक्न सहजता हुने स्थानीय कृषक विजय पुडासैनीले बताउनुभयो ।

“अहिले विशेषगरी कृषिमा नयाँ तथा बजारमुखी बालीतर्फ किसान आकर्षित भइरहेको बेला गाउँपालिकाले हामीलाई परम्परागत रैथाने बालीको संरक्षणमा सहयोग गर्नु निक्कै नै खुसीको कुरा हो”, उहाँले भन्नुभयो, “रैथाने बाली लगाउने चलन विस्तारै कमी हुँदै गइरहेको अवस्थामा पालिकाले कोदो खेतीमा गरेको अनुदानको व्यवस्थाले आगामी दिनमा यसको खेती गर्ने पक्कै बढ्नेछन् ।”अनुदान लिन चाहने पालिकाका कृषक तथा फर्मलाई आवेदनसँगै निवेदकको नागरिकताको प्रमाणपत्रको प्रतिलिपि र सम्बन्धित वडा कार्यालयको सिफारिस, फर्म दर्ता प्रमाणपत्र, नवीकरणको प्रमाण, कर चुक्ता प्रमाणपत्र र स्थायी लेखा नम्बर प्रमाणपत्रको प्रतिलिपि उपलब्ध गराउन पालिकाले सूचनासमेत प्रकाशन गर्दै आग्रह गरेको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार