भैरहवा । राष्ट्रिय वैश्य महासंघ नेपाल जिल्ला कार्य समिति रूपन्देहीले आफ्नो दोस्रो स्थापना दिवसको अवसरमा श्री सत्य साई बाबा वृद्ध आश्रम सेवा केन्द्र, ठूलोबालापुरका ज्येष्ठ नागरिकहरूलाई खाद्यान्न तथा फलफूल वितरण गरी परोपकारी कार्यक्रम सम्पन्न गरेको छ। महासंघले औपचारिक समारोहमा मात्र सीमित नरही सामाजिक उत्तरदायित्व वहन गर्दै आश्रमका वृद्धवृद्धाहरूसँग खुसी साटासाट गरेर दिवस मनाएको हो।
कार्यक्रममा आश्रमकी अध्यक्ष माया खारेलले महासंघले देखाएको यो आत्मीयता र सहयोगप्रति हार्दिक आभार व्यक्त गर्नुभयो। कार्यक्रम संयोजक तथा महासंघका उपाध्यक्ष शत्रुधन पण्डितका अनुसार महासंघको निर्देशन र आदर्श अनुरूप आयोजना गरिएको यस परोपकारी कार्यमा वैश्य समाजका पदाधिकारी तथा सदस्यहरूको उत्साहजनक सहभागिता रहेको थियो।
कार्यक्रममा महासंघका उपाध्यक्षद्वय पूर्णिमा रौनियार र बेचन गुप्ता, महासचिव तारकेश्वर कान्दु, श्रीचन्द्र जैसवाल, मनोज अग्रहरि, दुर्गा प्रसाद गुप्ता, रूवि राैनयार ,उषा जैसवाल ,बिजय काैशल ,नरेन्द्र प्रसाद रौनियार ,गुरुचरण प्रजापति लगायत संस्थाका सल्लाहकार एवं अन्य पदाधिकारीहरूको उपस्थिति रहेको थियो। महासंघले आगामी दिनहरूमा पनि यस्ता सामाजिक तथा परोपकारी कार्यहरूलाई निरन्तरता दिने प्रतिबद्धता व्यक्त गरेको छ।
