मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


नवलपरासी पूर्वको ‘नमुना सदरमुकाम’ निर्माणले गति लिँदै

रासस 720+ समाचार ( )
१० पौष २०८२, बिहीबार

त्रिवेणी (नवलपरासी) । लक्ष्य भन्दा ढिला काम सुरु गरिएको नवलपरासी (बर्दघाट सुस्तापूर्व) नवलपुरको नमूना सदरमुकाम निर्माण योजनाले पछिल्लो समय गति लिएको छ । कावासोती नगरपालिका–३ स्थित १८७ विघा क्षेत्रफलमा नमूना सदरमुकाम निर्माण भइरहेको छ । 

विसं २०७६ वैशाखमा सदरमुकाम निर्माण सुरु गरिएपनि छ वर्षसम्म काम अघि बढ्न सकेको थिएन । गत वर्षदेखि निर्माण सुरु गरिएको जिल्लाकै महत्वपूर्ण आयोजनाले हालै गति लिएको हो ।   निर्माणस्थलका रूख हटाउनेलगायतका विभिन्न प्राविधिक कारण काम अघि बढ्न नसकेको जनाइएका थियो । हाल कामले गति लिएको सघन सहरी तथा भवन निर्माण आयोजना चितवनका इञ्जिनियर द्रोण कटुवालले बताउनुभयो । 

नमूना सदरमुकाम निर्माण दुई वटा ठेक्कामार्फत भइरहेको छ । पहिलो चरणको ठेक्काबाट जिल्ला प्रशासन कार्यालय र अन्य दुई कार्यालय रहने गरी एकीकृत भवन निर्माण भइरहेको उहाँले बताउनुभयो । चौधरी कन्ट्रक्सनले रु ३० करोड ६५ लाख ६ हजार ५२७ लागतमा काम गरिरहेको छ । २०८३ पुस २१ सम्म निर्माण सम्पन्न गर्ने गरी सम्झौता भएको सो योजनाको पहिलो चरणको भौतिक प्रगति हालसम्म ४० प्रतिशत छ । 

दोस्रो चरणको ठेक्काबाट भ्याट बाहेक रु तीन अर्ब ६१ करोड लागतमा सदरमुकाम निर्माणस्थलमा ११ वटा सरकारी कार्यालय भवन निर्माण भइरहेका छन् । भवन बाहेक सडक, खानेपानी, विद्युत्का संरचनासहित केरुङ्गे खोला तटबन्धसमेत निर्माण भइरहेको आयोजना कार्यालयले जनाएको छ । दोस्रो चरणको ठेक्का  २०८२ वैशाख २९ गते सम्झौता भइ २०८४ कात्तिक २८ गते सम्पन्न गर्ने गरी काम अघि बढेको इञ्जिनियर कटुवालले जानकारी दिनुभयो ।

समानान्तर–बुद्ध हिमाली जेभिले निर्माण गरिरहेको यस ठेक्काको हाल करिब १५ प्रतिशत भौतिक प्रगति पुगेको छ । दुवै चरणको काम निर्धारण गरिएको अवधिमा सम्पन्न गर्ने गरी काम भइरहेको उहाँको भनाइ छ । नवलपुरको नमूना सदरमुकाम निर्माणस्थलमा सङ्घ र प्रदेश मातहतका सबै कार्यालय निर्माण गरिने छन् । हाल सङ्घीय कार्यालय निर्माण भइरहेका छन् । प्रदेश मातहतका कार्यालय निर्माण थालिएको छैन ।

गण्डकी प्रदेश सरकारबाट चालु आर्थिक वर्षमा केही बजेट विनियोजन गरेको जानकारी प्राप्त भएको र प्रदेश सरकार मातहतका कार्यालय निर्माणका लागि बोलपत्र आह्वान हुनसक्ने आयोजना कार्यालयले जनाएको छ ।

नमूना सदरमुकाम निर्माण गुरुयोजना अनुसार यहाँ सङ्घ र प्रदेश मातहतका सबै कार्यालय, पार्किङ, बाटिका, फुटबल स्टेडियम, क्रिकेट स्टेडियम, कर्मचारीका लागि आवास गृह, अतिथि गृह, सभा हल, पुस्तकालय, खाजा घरलगायतका संरचना निर्माण हुनेछन् । प्रारम्भिक गुरुयोजना अनुसार आयोजनाको कूल लागत रु १६ अर्ब २५ करोड ५३ लाख ९० हजार रहेको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार