भैरहवा । रुपन्देहीको सम्मरीमाई गाउँपालिका वडा नम्बर ६ दयानगरमा रहेको श्री असुरबाबा कृषक सहकारी संस्था लिमिटेडको १८ औं बार्षिक साधारण सभा शनिबार सम्पन्न भएको छ ।
संस्थाले आर्थिक बर्ष २०७९÷०८० मा १ लाख १ हजार २९ रुपैया नाफा गरेको छ । ५० हजार २ सय शेयर पूंजि रहेको असुरबाबा कृषक सहकारीको जगेडा कोष १७ लाख ५० हजार १ सय १४ रुपैया रहेको छ । २१ लाख २१ हजार १ सय ८८ रुपैया रहेको संस्थाको कुल सम्पत्ति १७ लाख ५ हजार ७ सय ६८ रुपैया रहेको प्रतिवेदन पेश गरिएको थियो ।
संस्थाका अध्यक्ष जनार्दन यादवको अध्यक्षता, वडा नम्बर ६ का वडा अध्यक्ष तौलन प्रसाद केवटको प्रमुख आतिथ्यतामा सम्पन्न कार्यक्रममा असुरैना स्वास्थ्य चौकीका प्रमुख सुखनन्दन पाल, संस्थाका सदस्य रामलखन पाल, महेन्द्र प्रसाद हरिजन, पूर्व वडा अध्यक्ष सत्य नारायण केवट, वडा सचिव मेघु धवल लगायतले बोलेका थिए । कार्यक्रमको सञ्चालन संस्थाका ब्यवस्थापक जय प्रकाश गुप्ताले गरेका थिए ।
