भैरहवा । रुपन्देहीको सिद्धार्थनगरमा साईबर अपराध र आत्महत्या न्यूनीकरणसम्बन्धी सचेतनामूलक प्रशिक्षण कार्यक्रम सम्पन्न भएको छ। समुदाय-प्रहरी साझेदारी कार्यक्रम अन्तर्गत जिल्ला प्रहरी कार्यालय र जिल्ला प्रशासन कार्यालय रुपन्देहीको आयोजनामा उक्त कार्यक्रम गरिएको हो।
सिद्धार्थनगर-२, झण्डीबजारस्थित दुर्गा मन्दिरको सभाहलमा भएको कार्यक्रममा प्रहरी नायव उपरीक्षक सुरज कार्कीको अध्यक्षता तथा जिल्ला प्रशासन कार्यालयका सहायक प्रमुख जिल्ला अधिकारी अयोध्या प्रसाद भण्डारीको प्रमुख आतिथ्यता रहेको थियो।
कार्यक्रममा प्रहरी निरीक्षक भरत के.सी.ले बढ्दो साईबर अपराधका स्वरूप, त्यसबाट बच्ने उपाय र आत्महत्या रोकथामका विषयमा प्रशिक्षण दिनुभएको थियो। कार्यक्रममा स्थानीय जनप्रतिनिधि, आमा समूहका सदस्यहरू तथा अन्य सरोकारवाला गरी ९५ जनाको सहभागिता रहेको थियो।
