भैरहवा । रुपन्देहीको रोहिणी गाउँपालिका वडा नम्बर ५ स्थित श्री पिपरहवा माध्यमिक विद्यालय व्यवस्थापन समितिको अध्यक्ष बैजनाथ अग्रहरी सर्वसम्मत चयन भएका हुन् । अभिभावक भेलाबाट चयन भएको सदस्यहरुमध्ये ज्येष्ठ सदस्य जयंत्री थारुको संयोजकत्वमा बसेको आइतबार बैठकले अग्रहरीलाई सर्वसम्मत अध्यक्षमा चयन गरेको हो ।
विद्यालय व्यवस्थापन समितिको सदस्यहरुमा जयंत्री थारु, निर्मला हरिजन, सुनिता केवट, सञ्जय कोहार र राजवन्ती कोहार रहेका छन् । अध्यक्षमा चयन भएका अग्रहरी जनता समाजवादी पार्टी, नेपाल (जसपा) का युवा नेता हुन् ।
विद्यालय व्यवस्थापन समितिको पदेन सदस्यमा सम्बन्धित वडाका जनप्रतिनिधि र सदस्य सचिवमा विद्यालयका प्रधानाध्यापक रहने व्यवस्था छ । सोहीअनुसार विद्यालयको पदेन सदस्यमा रोहिणी–५ का वडाअध्यक्ष घनश्याम सिंह क्षेत्री र सदस्य सचिवमा प्रधानाध्यापक मुबारक अली रहेका छन् ।
त्यस्तै विद्यालयमा सल्लाहकार समिति गठन गरिएको छ । विद्यालयको प्रमुख सल्लाहकारमा केशवराज प्रसाद केवट, नन्दलाल यादव, दिनेश यादव र रुदल पासी रहेका छन् ।
