मुख्य समाचार
जलीय जैविक विविधता जोगाउन रुपन्देहीका जलाशयमा २५ हजार माछाका भुरा छोडियो | प्रधानमन्त्रीको भारत भ्रमणमा सुस्ताको पीडा उठाउन स्थानीयको माग | नवलपरासीमा तस्करीको स्वरूप फेरियो : मोटरसाइकलमार्फत ओसारपसार र प्रहरीको नाममा असुलीको आरोप | लुम्बिनी सांस्कृतिक नगरपालिकामा आगो लगाई वातावरण प्रदूषित गर्ने पाँच जना नियन्त्रणमा | आठवटै एनपिएल क्लबलाई आफ्नै रङ्गशाला : प्रधानमन्त्री शाह | प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु |
मुख्य समाचार
जलीय जैविक विविधता जोगाउन रुपन्देहीका जलाशयमा २५ हजार माछाका भुरा छोडियो | प्रधानमन्त्रीको भारत भ्रमणमा सुस्ताको पीडा उठाउन स्थानीयको माग | नवलपरासीमा तस्करीको स्वरूप फेरियो : मोटरसाइकलमार्फत ओसारपसार र प्रहरीको नाममा असुलीको आरोप | लुम्बिनी सांस्कृतिक नगरपालिकामा आगो लगाई वातावरण प्रदूषित गर्ने पाँच जना नियन्त्रणमा | आठवटै एनपिएल क्लबलाई आफ्नै रङ्गशाला : प्रधानमन्त्री शाह | प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु |

प्रधानमन्त्री कप क्रिकेट प्रतियोगिता :
लगातार तीन जित सहित सुदूर प्रतियोगिताको शिर्षस्थानमा

Ujyalosandeshonline 12701+ समाचार ( )
४ माघ २०८०, बिहीबार

भैरहवा । प्रधानमन्त्री कप क्रिकेट प्रतियोगितामा लगातार तेश्रो जित निकाल्दै सुदूरपश्चिम ६ अंक सहित प्रतियोगिताको शिर्षस्थानमा पुगेको छ । भैरहवामा जारी प्रधानमन्त्री कप क्रिकेट प्रतियोगितामा बिहिबार भएको खेलमा सुदूरले गण्डकी प्रदेशलाई १०८ रनको फराकिलो अन्तरले पराजित गरेको छ । 

टस हारेर पहिलो ब्याटिङ गरेको सुदूर निर्धारित ५० ओभर पुरा खेल्दै १० विकेटका क्षतिमा २०१ रन बनाएको थियो । उसका लागि किरन ठगुन्नाले अर्धशतकिय पारी खेलेका थिए । ठगुन्नाले ७३ बल खेल्दै ५ चौकाको मद्दतमा ६० रन बनाए । यस्तै नारायण जोशीले ४६ रन र शेर मल्ले १९ रनको योगदान दिए ।  

बलिङ तर्फ गण्डकीका विपिन खत्री र अंकित न्यौपानेले ३÷३ विकेट लिए । यस्तै अमृत गुरुङ्ग र कमल परियारले समान २÷२ विकेट लिए । 

२०२ रनको लक्ष्य लिएर मैदान छिरेको गण्डकीको प्रदर्शन कमजोर रह्यो । उसका ब्याट्रहरु राम्ररी टिकेर खेल्न सकेनन् । अश्वनी राना (२५ रन) र कमल परियार (२२ रन) ले पारीलाई केही बेर सम्हाल्न खोजे पनि सुदूरको बलिङको अगाडी उनिहरुको पनि केही चलेन् । गण्डकीका बाँकी खेलाडी दोहोरो अंक समेत जोड्न नपाई पभेलियन फर्के । २०२ रनको लक्ष्य पाएको गण्डकी ३० दशमलव २ ओभर खेल्दै ९३ रनमै अलआउट भयो । 

सुदूरका शेर मल्लको घातक बलिङको अगाडी गण्डकी सस्तोमै समेटियोे । ८ दशमलव २ ओभर फालेका मल्लले १ मेडेन सहित जम्मा २३ रन खर्चिदै महत्वपूर्ण ५ विकेट लिए । यस्तै गजेन्द्र बोहराले २ विकेट र भोजराज भट्ट, नरेन साउद तथा मिलन बोहाराले समान १÷१ विकेट लिए । ५ विकेट लिदै टिमको लागि १९ रन बनाएका सुदूरपश्चिमका शेर मल्ल प्लेयर अफ द म्याच घोषित भए ।  

जारी प्रतियोगितामा तीन खेलेको सुदूरपश्चिम अहिले सम्म अविजित रहदै ६ अंक बटेलेको छ । २ दशमलव २९ को नेट रनरेट सहित सुदूर प्रतियोगिताको शिर्षस्थानमा पुगेको छ । यता आफुले खेलेको ३ वटै खेलमा गण्डकीले हार ब्यहोरेको छ ।


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार