मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


सातौं लुम्बिनी महोत्सवमा थारु परिकारको स्वाद पस्किँदै सरस्वती : घोंघीदेखि अनदीको भुजासम्म

Ujyalosandeshonline 12696+ समाचार ( )
९ मंगशिर २०८२, मङ्गलबार

भैरहवा । भैरहवामा जारी सातौं लुम्बिनी महोत्सव–२०८२ मा आगन्तुकहरूको भिडभाडबिच स्टल नम्बर ३३ र ३४ मा भने भिन्नै मौलिक रौनक छाएको छ । ओमसतिया-२ पडसरीस्थित ‘ठुठिपिल गढीमाई होटल’ ले महोत्सवमा थारु संस्कृतिको अर्गानिक स्वाद पस्किँदै ग्राहकहरूको मन जित्न सफल भएको हो ।

विशेषगरी थारु समुदायको पहिचान बोकेका परिकारहरू खानका लागि पारखीहरू यहाँ झुम्मिने गरेका छन् । स्टलमा घोंघी, घगेडा, झिँगे माछा, टेग्ना, रैया तथा अन्य साना माछाहरूको परिकार उपलब्ध छन् । माछाका विभिन्न परिकारसँगै अनदीको भुजाको स्वादले धेरैलाई लोभ्याएको छ । थारु परिकारमध्येको ‘घोंघी’ खाँदा धेरै प्रकारका रोगहरू निको हुने विश्वास र यसको औषधीय गुणका कारण पनि ग्राहकहरूले यसलाई अत्यधिक रुचाएका छन् ।

वि.सं. २०६९ सालदेखि निरन्तर यही पेसामा आवद्ध सञ्चालिका सरस्वती थारु आफ्नो कामप्रति निकै सन्तुष्ट र उत्साहित हुनुहुन्छ । विगत १२ वर्षभन्दा लामो समयदेखि होटल व्यवसाय गरिरहनुभएकी सरस्वतीले अहिलेसम्म कसैकोमा रोजगारी माग्न जानुपरेको छैन । उहाँ गर्वका साथ भन्नुहुन्छ, "म यो पेसाबाट पूर्ण रूपमा सन्तुष्ट छु, यसले मलाई आत्मनिर्भर त बनाएको छ नै, साथमा हाम्रो लोप हुन लागेको संस्कृति जोगाउन पनि मद्दत गरेको छ ।"

सरस्वतीको यो उद्यम यात्रामा उहाँका श्रीमान् कमल नारायण चौधरीले पनि दरिलो साथ दिइराख्नुभएको छ । थारु कल्याणकारी सभा रुपन्देहीका अध्यक्ष समेत रहनुभएका चौधरी आफैं महोत्सवको स्टलमा खटिएर श्रीमतीलाई सघाउँदै र ग्राहकलाई सेवा दिँदै गरेको दृश्यले श्रमको सम्मान र पारिवारिक सहकार्यको उत्कृष्ट उदाहरण पेश गरेको छ । मौलिक स्वाद, आत्मीय सेवा र सांस्कृतिक संरक्षणको अभियान बोकेको यो स्टल महोत्सवका दर्शकहरूका लागि आकर्षणको केन्द्रविन्दु बनेको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार