जनकपुरधाम । नेपाल प्रहरी श्रीमती संघको ४२ औं वार्षिकोत्सवको अवसरमा मधेश प्रदेश प्रहरी कार्यालय जनकपुरधामको प्राङ्गणमा रक्तदान तथा वृक्षारोपण कार्यक्रम सम्पन्न भएको छ । संघका मधेश प्रदेश अध्यक्ष मनिषा उप्रेती (अधिकारी) को अध्यक्षता एवं मधेश प्रदेश प्रहरी प्रमुख प्रहरी नायव महानिरीक्षक ओम प्रसाद अधिकारीको प्रमुख आतिथ्यतामा सो कार्यक्रम सम्पन्न भएको हो । कार्यक्रममा संघका उपाध्यक्ष रञ्जना उप्रेती, सिनियर प्रहरी अधिकृत, संघका पदाधिकारी तथा प्रहरी कर्मचारी गरी १५० जनाको सहभागिता रहेको थियो। उक्त अवसरमा ३२ जना प्रहरी कर्मचारीहरूले रक्तदान गर्नुभएको थियो।
नेपाल प्रहरी श्रीमती संघको वार्षिकोत्सवमा रक्तदान तथा वृक्षारोपण
२१ श्रावण २०८३, बिहीबार
