भैरहवा । मनकामना स्नुकर हाउसको आयोजनामा सम्पन्न सिद्धार्थनगर स्तरीय स्नूकर प्रतियोगिताको विजेता शिशिर गुरूङ भएका छन् । शनिबार सम्पन्न फाईनल खेलमा गुरूङले ६२ जनालाई पछि पार्दै विजेता भएका हुन् ।
जम्ममा ६३ जना सहभागी रहेको उक्त प्रतियोगितामा विपिन विश्वकर्मा दोश्रो भएका छन् । प्रथम भए संगै गुरुङ्गले नगद ५० हजार सहित ट्रफि जितेका छन् । यस्तै दोश्रो भएका विश्वकर्माले ३० हजार संगै ट्रफि जितेका छन् ।
युवा पुस्तालाई प्रोत्साहन गर्न राखिएको उदियमान खेलाडीको उपाधि कृष्ण यादवले प्रदान गरीएको थियो भने उनलाई नगद रू ५ हजार प्रदान गरिएको छ । सिद्धार्थ नगरपालिकामा इतिहासमै पहिलो पल्ट स्नुकर प्रतियोगिता भएको आयोजकको दावी रहेको छ । खेलको आयोजनाले गर्दा थप उर्जा बढेको विजेता शिशिर गुरूङले बताए । कार्यक्रममा बोल्दै कार्यक्रमका प्रमुख अथिति प्रज्वल बोहोराले स्नुकर खेल मानसिक स्वास्थ्यका लागि अति नै महत्वपूर्ण रहेको बताउँदै निरन्तर खेलमा लागिरहन खेलप्रेमीहरूलाई आग्रह गरे ।
कार्यक्रममा आयोजक वासु प्रधानले स्नुकर खेल र खेलाडीलाई समाजले हेर्ने नजरमा केही हद सम्म फरकता आएको बताउँदै युवा पुस्तालाई प्रोत्साहन गर्न स्नुकर खेलको आयोजन निरन्तर गर्ने प्रतिवद्धता व्यक्त गरे ।
म पनि नाम लेखाउन चाहन्छु
म पनि नाम लेखाउन चाहन्छु उहां हरु को मोइबल न चहिन्छ