पाल्पा । रिब्दीकोट गाउँपालिकाका अध्यक्ष नारायण बहादुर कार्कीले आफूले आर्थिक वर्ष २०८१/८२ मा राज्यकोषबाट प्राप्त गरेको सेवा सुविधा बापतको रकम गाउँपालिकाको आन्तरिक संचित कोषमा जम्मा गर्नुभएको छ। अध्यक्ष कार्कीले उक्त रकम बराबरको चेक एक कार्यक्रमका बीच प्रमुख प्रशासकीय अधिकृत मणि प्रसाद खनाल र लेखापाल तेजेन्द्र लम्साल क्षेत्रीलाई हस्तान्तरण गर्नुभयो।
गाउँपालिकाको विकास र समृद्धिको लागि आफ्नो व्यक्तिगत सुविधाको रकम समेत योगदान गर्ने अध्यक्ष कार्कीको यो कदमलाई स्थानीय स्तरमा प्रशंसा गरिएको छ। यसले सार्वजनिक पदमा रहेका व्यक्तिहरुको पारदर्शिता र जवाफदेहिताको उदाहरण प्रस्तुत गरेको स्थानीय बासिन्दाहरुले बताएका छन्।
